پاکستان میں ٹک ٹاک پر دوبارہ پابندی لگ گئی

ویڈیو شیئرنگ سوشل نیٹ ورکنگ سروس ٹک ٹوک کو ایک اور پابندی کا سامنا کرنا پڑا جب پشاور ہائی کورٹ (پی ایچ سی) نے پاکستانی حکام کو غیر اخلاقی مواد پرمبنی اس ایپ پر فوری طور پر پابندی عائد کرنے کی ہدایت دی تھی۔

یہ ہدایات پشاور ہائی کورٹ کے چیف جسٹس قیصر راشد خان نے جاری کی ہیں ، جو ٹک ٹوک پر پابندی کی درخواست کی سماعت کررہے ہیں۔

پشاور ہائی کورٹ کے چیف جسٹس قیصر راشد خان نے ریمارکس دیئے کہ چینی ایپ ٹک ٹاک پر اپلوڈ کی جانے والی ویڈیوز "پاکستانی معاشرے کے لئے قابل قبول نہیں ہیں"۔ انہوں نے مزید کہا کہ زیادہ تر ٹِک ٹاک سے متاثر ہونے والے سامعین نوجوان ہیں۔ انہوں نے مزید کہا کی ٹک ٹاک پر اپلوڈ ہونے والے مواد کے متعلق مسلسل رپورٹس موصول ہو رہی ہیں اور وہاں موجود مواد کسی طور پر پاکستانی معاشرے کے لئے مناسب نہیں۔

چیف جسٹس قیصر راشد خان نے حکم دیا "ٹک ٹوک کی ویڈیوز فحاشی پھیلا رہی ہیں ، لہذا اسے فوری طور پر بند کیا جانا چاہئے۔

چیف جسٹس پشاور ہائی کورٹ نے پاکستان ٹیلی مواصلات اتھارٹی (پی ٹی اے) کے ڈائریکٹر جنرل سے بھی اس بارے میں سوال کیا کہ آیا ٹک ٹوک بند کرنے سے اپلی کیشن چلانے والے لوگوں پر اثر پڑے گا ، جس پر ڈی جی نے کہا کہ ہاں اثر پڑے گا۔ ڈی جی نے مزید کہا کہ حکومت نے غیر اخلاقی مواد پر ٹِک ٹاک کے عہدیداروں سے رجوع کیا تھا ، لیکن ابھی تک انہیں ان کی طرف سے کوئی "مثبت" جواب نہیں ملا ہے۔

جس پر چیف جسٹس صاحب نے حکم دیا کہ جب تک کمپنی کی جانب سے ویب سائٹ پر شائع ہونے والے غیر اخلاقی مواد کی روک تھام کے لئے مناسب اقدام نہیں کرتی ٹک ٹاک اپلیکیشن کو بند کر دیا جائے۔

یہ دوسرا موقع ہے جب پاکستان میں بڑے پیمانے پر استعمال ہونے والی ایپ ٹک ٹاک پر پابندی عائد کی گئی ہے۔ اس سے پہلے اکتوبر میں اس اپلیکشن پر غیر اخلاقی مواد کی شکایات پر پابندی عائد کی گئی تھی تب کمپنی کی یقین دہانی کے بعد پابندی اٹھا لی گئی تھی۔

آج ہونے واے فیصلے پر ٹک ٹاک کا موقف بھی سامنے آیا ہے اور ترجمان کے مطابق کمپنی سروس پر اپلوڈ ہونے والے مواد کے معیار کو جانچنے کے لئے جدید ترین ٹیکنالوجی استعمال کر رہی ہے اور پاکستان میں مواد کو جانچنے کی صلاحیت میں کئی گنا اضافی کیا گیا ہے۔