کرونا وائرس اور سپینش فلو

 انفلوئنزا ، یا فلو ، وائرس کی ایک قسم ہے جو خاص طور پر ہمارے جسم کے تنفس کے نظام کو نشانہ بناتا ہے۔وائرس عام طور پر آپ کے پھیپھڑوں ، گلے یا ناک کے راستوں کو متاثر کرتا ہے۔ عام طور پرفلو اس وقت پھیلتا ہے جب کوئی فلو سے چھینکنے ، کھانسی ، یا بات چیت کرتا ہے۔اگر آپ کسی ایسی سطح کو چھوتے ہیں جو حال ہی میں وائرس کے ساتھ رابطے میں ہے اور پھر آپ کی آنکھوں ، ناک ، یا منہ کو چھوتے ہے تو بھی آپ کو انفکشن ہوسکتا ہیں۔

دنیا اس وقت کرونا وائرس کی وبا سے نبرد آززما یے اور روزانہ ہزاروں افراد ہلاک ہو رہے ہیں ۔

آئیے ان میں سے ایک اور مہلک قسم ،سپینش (ہسپانوی) فلو پر ایک نظر ڈالتے ہیں۔ سپینش (ہسپانوی) فلو ہے  نے 1918-1919 کے دوران دنیا کو متاثر کیا۔ ہسپانوی فلو کی وجہ سے دنیا بھر میں سرکاری سطح پر ہلاکتوں کی تعداد کہیں 20 سے 50 ملین افراد کے درمیان تھی ، حالانکہ یہ ممکنہ طور پر کم تعداد ہو سکتی ہے کیونکہ بہت سے ممالک میں اموات کی تعداد کو ریکارڈ رکھنے کا انتظام نہیں تھا۔ یہ اندازہ ہے کہ اصل تعداد کہیں 100 ملین کے قریب تھی اور اگر ان نمبروں پر یقین کیا جائے تو ، پھر دنیا کی 3٪ سے زیادہ آبادی سپینش( ہسپانوی) فلو سے ہلاک ہو گئی تھی۔

ہسپانوی فلو پہلی جنگ عظیم کے آخری سال میں  1918 کے ابتدائی مہینوں میں آیا تھا۔ دنیا کی اقوام کی اکثریت جنگ میں مصروف تھی اور اپنے سپاہیوں کے حوصلے بلند رکھنے کے لئے تمام منفی خبروں کو سنسر کیا جاتا تھا لہذا جب فلو پھیلا تو اکثر ممالک نے  اس وبا کے حوالے سے خبروں کو سنسر کرنا شروع کر دیا تاکہ فوجی اپنی توجہ جنگ پر موکوز رکھ سکیں۔

 اسپین اس جنگ میں غیر جانبدار تھا ، لہذا ان کا میڈیا اپنی خواہش کے بارے میں ہر طرح کی خبریں دینے میں آزاد تھا۔
اور اس وقت سپین کے میڈیا پر ہی فلو کی وبا کے حوالے سے خبریں چل رہی تھیں تو دنیا نے یہ جانا کہ شائید یہ فلو سپین سے آیا جبکہ سپین کا میڈیا یہ کہ رہا تھا کہ یہ فلو فرانس سے آیا ہے اور وہ اسے فرانسیس فلو کہ رہے تھے۔

سپینش فلو کی مختلف لہریں

فلو کی پہلی لہر 1918 کے ابتدائی مہینوں میں پوری دنیا میں پھیلی اورزیادہ تر لوگوں نے جو ہسپانوی فلو کا شکار ہوئے  وہ فلو کی عام علامات کا شکار ہوتے تھے  اور تھوڑی ہی دن میں صحت یاب ہو جاتے ہیں۔ اور بہت اموات نہیں ہوئیں تھیں۔ اس سال کے آخر میں وبا کی دوسری لہرسامنے آئی اور کہا جاتا ہے کہ یہ دوسری لہر بہت زیادہ مہلک تھی چونکہ وائرس میں بہت سی تبدیلیاں آ چکی تھیں۔ اور یہ بھی خیال کیا جاتا ہے کہ پہلی جنگ عظیم کے آخری مراحل کے دوران فوجیوں کی نقل و حرکت میں اضافے کے سبب یہ دوسری لہر دنیا کے زیادہ حصوں میں پھیل گئی۔
تیسری لہر کا آغاز آسٹریلیا میں جنوری 1919 میں ہوا تھا ، اور اگرچہ یہ دوسری لہر کی طرح مہلک شکل سمجھی جاتی ہے ، لیکن یہ اس حد تک پھیل نہیں سکی کیونکی جنگ ختم ہوچکی تھی اور لوگوں کی آمدورفت بھی محدود ہو گئی تھی۔

جب ہسپانوی فلو کی دوسری لہر نے امریکہ میں پنجے گاڑے تو اس نے بہت سا جانی نقصان کیا۔ یہ اسی وقت ہوا جب امریکی فوجیوں کی سب سے بڑی نفری ، تقریبا  10 لاکھ افراد ، اگلے مورچوں کی طرف روانہ ہوئے۔ ایک اندازے کے مطابق اس جنگ میں تقریبا  26،000 مرد ہلاک ہوئے جو پوری جنگ کے دوران امریکی فوجیوں کا سب سے بڑا نقصان تھا۔ دوسری طرف ، ہسپانوی فلو نے اس مقدار سے تقریبا دوگنی ہلاکتیں کیں۔
فرانس میں تعینات اس وقت تقریبا  15000 فوجی اپنی زندگی سے فلو کی وجہ سے اپنی زندگی سے ہاتھ دھو بیٹھے جبکہ 30 ہزار فوجی امریکی سرزمین پر رہتے ہوئے فلو سے ہلاک ہوئے۔

اس زمانے میں سپینش فلو سے لڑنے کے لئے سماجی فاصلے اور منہ اور ناک کو ڈھانپنے اور کھانسنے اور چھیکنے پر پابندی لگائی گئی تھی۔ اور آج سو سال بعد بھی ہم ایک وبا سے لڑ رہے ہیں ۔