جون ایلیا مرحوم کے مشہور شعر، جون ایلیا کی شاعری۔ جون ایلیا کے مشہور شعر

 

💓💓💓
زندگی کس طرح بسر ہوگی
دل نہیں لگ رہا محبت میں

💓💓💓
علاج یہ ہے کہ مجبور کر دیا جاؤں
وگرنہ یوں تو کسی کی نہیں سنی میں نے
💓💓💓
سوچتا ہوں کہ اس کی یاد آخر
اب کسے رات بھر جگاتی ہے
💓💓💓
ارو کچھ تو ذکر کرو تم اس کی قیامت بانہوں کا
وہ جو سمٹتے ہوں گے ان میں وہ تو مر جاتے ہوں گے
💓💓💓
بن تمہارے کبھی نہیں آئی
کیا مری نیند بھی تمہاری ہے
💓💓💓
کس لیے دیکھتی ہو آئینہ
تم تو خود سے بھی خوب صورت ہو
💓💓💓
ہم کو یاروں نے یاد بھی نہ رکھا
جونؔ یاروں کے یار تھے ہم تو
💓💓💓
اس گلی نے یہ سن کے صبر کیا
جانے والے یہاں کے تھے ہی نہیں
💓💓💓
دل کی تکلیف کم نہیں کرتے
اب کوئی شکوہ ہم نہیں کرتے
💓💓💓
نیا اک رشتہ پیدا کیوں کریں ہم
بچھڑنا ہے تو جھگڑا کیوں کریں ہم
💓💓💓
یاد اسے انتہائی کرتے ہیں
سو ہم اس کی برائی کرتے ہیں
💓💓💓
یوں جو تکتا ہے آسمان کو تو
کوئی رہتا ہے آسمان میں کیا
💓💓💓
اب نہیں کوئی بات خطرے کی
اب سبھی کو سبھی سے خطرہ ہے
💓💓💓
اے شخص میں تیری جستجو سے
بے زار نہیں ہوں تھک گیا ہوں
💓💓💓
کتنی دل کش ہو تم کتنا دلجو ہوں میں
کیا ستم ہے کہ ہم لوگ مر جائیں گے
💓💓💓
کیا کہا عشق جاودانی ہے!
آخری بار مل رہی ہو کیا
💓💓💓
اور تو کیا تھا بیچنے کے لئے
اپنی آنکھوں کے خواب بیچے ہیں
💓💓💓
تمہارا ہجر منا لوں اگر اجازت ہو
میں دل کسی سے لگا لوں اگر اجازت ہو
💓💓💓
کیا ستم ہے کہ اب تری صورت
غور کرنے پہ یاد آتی ہے
💓💓💓
کیسے کہیں کہ تجھ کو بھی ہم سے ہے واسطہ کوئی
تو نے تو ہم سے آج تک کوئی گلہ نہیں کیا
💓💓💓
مستقل بولتا ہی رہتا ہوں
کتنا خاموش ہوں میں اندر سے
💓💓💓
مجھے اب تم سے ڈر لگنے لگا ہے
تمہیں مجھ سے محبت ہو گئی کیا
💓💓💓
ساری دنیا کے غم ہمارے ہیں
اور ستم یہ کہ ہم تمہارے ہیں
💓💓💓
بہت نزدیک آتی جا رہی ہو
بچھڑنے کا ارادہ کر لیا کیا
💓💓💓
کون اس گھر کی دیکھ بھال کرے
روز اک چیز ٹوٹ جاتی ہے
💓💓💓
میری بانہوں میں بہکنے کی سزا بھی سن لے
اب بہت دیر میں آزاد کروں گا تجھ کو
💓💓💓
زندگی ایک فن ہے لمحوں کو
اپنے انداز سے گنوانے کا
💓💓💓
یں رہا عمر بھر جدا خود سے
یاد میں خود کو عمر بھر آیا
💓💓💓
اب مری کوئی زندگی ہی نہیں
اب بھی تم میری زندگی ہو کیا
💓💓💓
کتنے عیش سے رہتے ہوں گے کتنے اتراتے ہوں گے
جانے کیسے لوگ وہ ہوں گے جو اس کو بھاتے ہوں گے
💓💓💓
وہ جو نہ آنے والا ہے نا اس سے مجھ کو مطلب تھا
آنے والوں سے کیا مطلب آتے ہیں آتے ہوں گے
💓💓💓
جان لیوا تھیں خواہشیں ورنہ
وصل سے انتظار اچھا تھا
💓💓💓
مجھ کو عادت ہے روٹھ جانے کی
آپ مجھ کو منا لیا کیجے
💓💓💓
اپنا رشتہ زمیں سے ہی رکھو

 کچھ نہیں آسمان میں رکھا
💓💓💓
اپنے سب یار کام کر رہے ہیں
اور ہم ہیں کہ نام کر رہے ہیں
💓💓💓
میں جو ہوں جونؔ ایلیا ہوں جناب
اس کا بے حد لحاظ کیجئے گا
💓💓💓
ہاں ٹھیک ہے میں اپنی انا کا مریض ہوں
آخر مرے مزاج میں کیوں دخل دے کوئی
💓💓💓
میری ہر بات بے اثر ہی رہی
نقص ہے کچھ مرے بیان میں کیا
💓💓💓
ایک ہی تو ہوس رہی ہے ہمیں
اپنی حالت تباہ کی جائے
💓💓💓
آج مجھ کو بہت برا کہہ کر
آپ نے نام تو لیا میرا
💓💓💓
جرم میں ہم کمی کریں بھی تو کیوں
تم سزا بھی تو کم نہیں کرتے
💓💓💓
نہیں دنیا کو جب پروا ہماری
تو پھر دنیا کی پروا کیوں کریں ہم
💓💓💓
کام کی بات میں نے کی ہی نہیں
یہ مرا طور زندگی ہی نہیں
💓💓💓
اب تو ہر بات یاد رہتی ہے
غالباً میں کسی کو بھول گیا
💓💓💓
اک عجب حال ہے کہ اب اس کو
یاد کرنا بھی بے وفائی ہے
💓💓💓
کوئی مجھ تک پہنچ نہیں پاتا
اتنا آسان ہے پتا میرا
💓💓💓
کیا تکلف کریں یہ کہنے میں
جو بھی خوش ہے ہم اس سے جلتے ہیں
💓💓💓