تم کب تھے قریب اتنے میں کب دور رہا ہوں چھوڑو نہ کرو بات کہ میں تم سے خفا ہوں

باقی صدیقی کی غزلیں

تم کب تھے قریب اتنے میں کب دور رہا ہوں

چھوڑو نہ کرو بات کہ میں تم سے خفا ہوں


رہنے دو کہ اب تم بھی مجھے پڑھ نہ سکو گے

برسات میں کاغذ کی طرح بھیگ گیا ہوں


سو بار گرہ دے کے کسی آس نے جوڑا

سو بار میں دھاگے کی طرح ٹوٹ چکا ہوں


جائے گا جہاں تو مری آواز سنے گا

میں چور کی مانند ترے دل میں چھپا ہوں


اک نقطے پہ آ کر بھی ہم آہنگ نہیں ہیں

تو اپنا فسانہ ہے تو میں اپنی صدا ہوں


چھیڑو نہ ابھی شاخ شکستہ کا فسانہ

ٹھہرو میں ابھی رقص صبا دیکھ رہا ہوں


منزل کا پتا جس نے دیا تھا مجھے باقیؔ

اس شخص سے رستے میں کئی بار ملا ہوں
 

         تم کب تھے قریب اتنے   ⮞اگلی غزل----پچھلی غزل⮜  داغ دل ہم کو یاد آنے لگے

 

باقی صدیقی

باقی شعرا کی  غزلیں پڑھیں

 

احمد فراز

ناصر کاظمی

پروین شاکر

جون ایلیا

حبیب جالب

احمد ندیم قاسمی

گلزار

وصی شاہ

                      

محسن نقوی

منیر نیازی

انور مسعود

ابن انشاء