خوب ہے شوق کا یہ پہلو بھی میں بھی برباد ہو گیا تو بھی, khoob ha shoq ka ye pehlu bhi

August 22, 2024

waqt-raste-ma-khada-ha-ka-nahi

جون ایلیا کی شاعری💗 جون ایلیا کی غزلیں💓جون ایلیا کی سوانحہ حیات💓 بارش پر شاعری💓 بے وفائی پر شاعری💓 محبت پر شاعری💓 روحانی شاعری💓 رومانوی شاعری💓 دھوکے پر شاعری

جون ایلیا کی مشہور غزل

🌹🌹🌹

خوب ہے شوق کا یہ پہلو بھی
میں بھی برباد ہو گیا تو بھی

حسن مغموم تمکنت میں تری
فرق آیا نہ یک سر مو بھی

یہ نہ سوچا تھا زیر سایۂ زلف
کہ بچھڑ جائے گی یہ خوش بو بھی

حسن کہتا تھا چھیڑنے والے
چھیڑنا ہی تو بس نہیں چھو بھی

ہائے وہ اس کا موج خیز بدن
میں تو پیاسا رہا لب جو بھی

یاد آتے ہیں معجزے اپنے
اور اس کے بدن کا جادو بھی

یاسمیں اس کی خاص محرم راز
یاد آیا کرے گی اب تو بھی

یاد سے اس کی ہے مرا پرہیز
اے صبا اب نہ آئیو تو بھی

ہیں یہی جونؔ ایلیا جو کبھی
سخت مغرور بھی تھے بد خو بھی

💚💚💚

صبح کا بھید ملا کیا ہم کو ⮞اگلی غزل 🧡🧡🧡🧡 پچھلی غزل⮜ داغ دل ہم کو یاد آنے لگے