مقامی میڈیا کی رپورٹس کے مطابق، ایران کی ایک عدالت نے مقبول گلوکار عامر حسین مقصودلو، جسے ٹٹالو کے نام سے جانا جاتا ہے، کو توہین مذہب کا جرم ثابت ہونے کے بعد اپیل پر سزائے موت سنائی ہے۔
اصلاح پسند اخبار اتحاد نے اتوار کو رپورٹ کیا کہ توہینِ مذہب سمیت جرائم پر گزشتہ پانچ سال قید کی سزا پر سپریم کورٹ نے پراسیکیوٹر کے اعتراض کو قبول کر لیا۔
اس میں کہا گیا ہے کہ "مقدمہ دوبارہ کھولا گیا، اورتوہین مذہب پر سزا سنائی گئی۔ فیصلے کے خلاف اب بھی اپیل کی جا سکتی ہے۔
۔ 37 سالہ موسیقار دسمبر 2023 میں ترک پولیس کی جانب سے اسے ایران کے حوالے کرنے سے قبل 2018 سے استنبول میں مقیم تھا۔تب سے وہ ایران میں نظر بند ہے۔
گلوگار کو "جسم فروشی" کو فروغ دینے کے جرم میں 10 سال قید کی سزا بھی سنائی گئی تھی اور دیگر مقدمات میں اسلامی جمہوریہ کے خلاف "پروپیگنڈا" پھیلانے اور "فحش مواد" شائع کرنے کا الزام عائد کیا گیا تھا۔
ریپ، پاپ اور آر اینڈ بی کے امتزاج کے لیے مشہور ٹیٹو والے گلوکار کو پہلے قدامت پسند سیاست دانوں نے نوجوان، لبرل سوچ رکھنے والے ایرانیوں تک پہنچنے کے طریقے کے طور پر پیش کیا تھا۔
گلوکار نے اپنے پورے جسم پر بے شمار رنگ برنگے ٹیٹوز بنوا لئے تھے۔
.png)
0 Comments