پاکستانی کلاسک لانگ پلے ڈرامہ، ذکر ہے کئی سال کا!

سال 1995 میں پاکستانی کلاسک لانگ پلے ڈرامہ، ذکر ہے کئی سال کا! پی ٹی وی پر نشر ہوا ۔ ڈرامے کی ہدایت کاری تجربہ کار ساحرہ کاظمی نے کی ہے اور اسے ڈاکٹر انور سجاد نے لکھا ہے۔ لانگ پلے میں راحت کاظمی اور عتیقہ اوڈھو نے اہم کردار ادا کئے۔

ڈرامہ دیکھنے والے ہر فرد کو یہ لگتا ہے کہ شائید یہ اسی کی کہانی ہے کیونکہ ہمارے معاشرے میں محبت تو سب کرتے ہیں پر اس محبت کی تکمیل تک نہیں پہنچ پاتے۔

ڈرامہ ذکر ہے کائی سال کا! ایک نا مکمل محبت کی کہانی ہے جس میں دومحبت کرنے والے اچانک کئی سالوں کے بعد آپس میں ملتے ہیں اور گذشتہ محبت کو یاد کرتے ہیں۔ ہمارے معاشرے میں اس وقت پسند کی شادی کو اچھا نہیں سمجھا جاتا تھا اور اب بھی یہی حالات ہیں۔ ڈرامہ شادی شدہ زندگی کی پیچیدگیوں اورمایوس کن رشتوں میں رہنے کا بچوں پر کیا اثر پڑتا ہے؟ لانگ پلے ماضی کے فیصلوں کے پچھتاوے اور اس کے اثرات دکھاتا ہے۔ سکندر (راحت کاظمی) اور فوزیہ (امبر رضوی) ایک ناخوش گوار شادی کے بندھن میں قید ہیں۔ برسوں کے ساتھ رہنے کے بعد، دو بچوں کی پیدائش کے بعد بھی جوڑے میں ہم اہنگی نہیں ہو سکی اور سکندر سوچتا ہے کہ کیا فوزیہ سے شادی کرنا اس کی زندگی میں سب سے بڑی غلطی تھی۔ سکندر اپنے کاروباری معاملات کے لئے کراچی جا رہا ہوتا ہے تو فوزیہ اپنے بیٹے کو ساتھ بھیج دیتی ہے تاک سکندر پر نظر رکھ سکے۔ کراچی میں سکندر کی اپنی سابقہ محبت نیلوفر (عتیقہ اوڈھو) سے اچانک ملاقات ہو جاتی ہے۔ ایک دوسرے کے ساتھ مختصر بات چیت کے بعد، دونوں کو احساس ہوتا ہے کہ وہ اب بھی ایک دوسرے کے لیے جذبات رکھتے ہیں۔ کیا اس کے لیے یہ عقلمندی ہے کہ وہ اپنی ماضی کی محبت کو زندہ کرے یا ساری زندگی پچھتاوے میں رہے؟

ذکر ہے کائی سال کا! 90 کی دہائی کے پاکستانی ڈراموں اور لانگ پلے میں ایک کلاسک سمجھا جاتا ہے۔ یہ شادی اور خوشی جیسے پیچیدہ لیکن انسانی موضوعات کو چھوتا ہے۔ ڈاکٹر انور سجاد کی شاندار تحریر ہمیں ایک کامل، مطمئن زندگی کے نام نہاد فارمولے کے پیچھے گہری سمجھ فراہم کرتی ہے۔ کیا ہمارے لیے ضروری ہے کہ ہم زندگی کے کسی مرحلے پر شادی کر لیں، قطع نظر اس کے کہ آپ کو اپنے فیصلے پر یقین نہیں ہے؟ کیا ہمیں اپنے ماضی کے فیصلوں پر افسوس کرنے اور حقیقی خوشی حاصل کرنے کی بھی اجازت ہے؟ ایسے موضوعات جو ہمارے معاشرے کے لیے اب بھی ضروری ہیں۔