زیبا شہناز مزاق رات میں

مزاق رات دنیا ٹی وی کا مشہور ترین مزاحیہ پروگرام ہے جس کی مقبولیت پاکستان کے ساتھ ساتھ بھارت اور دوسرے ملکوں میں بھی ہے۔ حال ہی میں ایک کلپ نظر سے گذرا جس میں سینیئر اداکارہ زیبا شہناز نے کامیڈین فیصل رامے کو تذلیل آمیز جملوں سے زچ کرنے کی کوشش کی۔

انسان کی عزت اسکے الفاظ سے ہوتی ہے اور اکثر ہم ایسے الفاظ بول جاتے ہیں جو ہماری ساری عمر کی عزت کا اور نیک نامی کا ستیا ناس کر دیتے ہیں۔ میں زیبا شہناز کا بچپن سے فین ہوں اورانکی بہت عزت کرتا ہوں مگر حال ہی میں دنیا ٹی وی کے پروگرام مزاق رات میں زیبا شہناز نے مزاق کے نام پر جس طرح ایک جونیئر آرٹسٹ فیصل رامے کے ساتھ گفتگو کی اور مزاق اڑایا وہ دیکھ کر بہت افسوس ہوا۔ اگر آپ کلپ دیکھیں تو آپ کو زیبا شہناز کے لہجے اور چہرے سے تذلیل اور حقارت ضرور محسوس ہوگی۔ مزاق جگت اور تذلیل میں فرق ضرور ہونا چاہیے۔

فیصل رامے اگرچہ ایک جونیئر آرٹسٹ ہے اور کچھ عرصے سے ہی ٹی وی پر آئے ہیں مگر انہوں نے خاموشی سے ہنس کر زیبا شہناز کی تمام باتوں کو ہضم کیا اور ایک بھی جواب نہیں دیا اور ثابت کر دیا کہ انسان سینیر اپنے کردار اور اخلاق سے بنتا ہے۔

پروگرام کے اینکر پرسن عمران شریف نے بھی اس معاملے میں کوئی کوشش نہیں کی کہ وہ ٹاپک چینج کریں یا زیبا شہناز کو ٹوکیں مگر میرا خیال ہے کہ وہ بھی محسوس کر رہے تھے کہ یہ سب ٹھیک نہیں ہو رہا ہے۔ بحثیت انیکر پرسن انکو بھی چاہیئے کہ معاملات کو مناسب انداز میں کنٹرول کیا کریں۔ کیونکہ مذاق اپنی جگہ پر کسی کی عزت نفس پر سودے بازی نہیں ہونی چاہیے۔